Претседателот на Владата на Република Македонија, Зоран Заев, министерката за одбрана Радмила Шекеринска, и делегација во чиј состав се претставници на Министерството за одбрана, на Генералштабот на Армијата на Република Македонија, на собраниската Комисија за одбрана и безбедност, на претставници НАТО канцеларијата за врски во Република Македонија, аташеата за одбрана на повеќе амбасади, во придружба на амбасадорот на САД во Република Македонија, Џес Бејли, во текот на утрешниот ден (31 јули 2017 година, понеделник) ќе присуствуваат на дел од активностите на воената вежба “Dragoon Guardian 17”, на воениот полигон Криволак.
Се очекува делегацијата на местото на настанот да пристигне во 09:00 часот претпладне.
Делегацијата ќе проследи повеќе активности на единиците на двете армии предвидени со програмата, по што, во 10:30 часот ќе следуваат изјави за медиумите на:
– Премиерот на Република Македонија, Зоран Заев, и
– Амбасадорот на САД, Џес Бејли.
Гостите, во рамките на отворениот ден за високи гости и медиуми, како дел од програмата на заедничката голема вежба меѓу едниците на армиите на Република Македонија и Соединетите американски држави, ќе присуствуваат на брифингот кој за гостите ќе го извршат ко-директорите на вежбата.
Цел на вежбата во Криволак е подобрување на интероперабилноста на АРМ со НАТО стандардите, зајакнување на постојното партнерство со САД како и демонстрација на можностите на вооружените сили на двете армии за помош и поддршка на цивилното општество.
На воената вежба „Dragoon Guardian 17“ учествуваат деведесетина припадници на АРМ од инженерискиот баталјон од составот на Првата механизирана пешадиска бригада и околу тристотини припадници на „2 Cavalry Regiment“ на Армијата на САД во Европа.
На вежбата учествуваат и припадници на другите единици на АРМ за пружање на логистичка поддршка и воено полициско обезбедување.
