Иранскиот Врховен суд затвори два ограноци на организации поврзани со Германија поради „незаконски активности и финансиски измами“, објави вчера доцна попладнето новинската агенција Мизан, а до тоа дојде откако Германија го забрани исламскиот центар во Хамбург.
Новинската агенција објави фотографии од безбедносните сили кои го отстрануваат знакот на Институтот за германски јазик во Техеран, кој е поврзан со германската амбасада.
„Дополнително, се појавија извештаи за кршење на законите и од други центри поврзани со Германија и истрагата за тоа е во тек“, објави Мизан, повикувајќи се на извори од иранското Министерство за правда.
Германија во јули годинава го забрани „Исламски центар“ во Хамбург и неговите филијали затоа што имале „радикални исламистички цели“, соопшти германското Министерство за внатрешни работи.
Министерството објави дека Исламскиот центар во Хамбург е директен претставник на врховниот ирански водач, ајатолахот Али Хаменеи и дека сакале да спроведат исламска револуција во Германија.
Иран, после тоа, го повика на разговор германскиот амбасадор во Техеран.
(Фото: – АФП)
