Голем број луѓе во Барселона, на протест, на три недели пред референдумот за независност, побараа отцепувањето на Каталонија од кралството Шпанија.
Според првичните информации на протестот учествуваче околу 400.000 лица.
Демонстрантите, на себе имаа црвено-жолто-сини сепаратистички знамиња, носеа транспарент „Збогум Шпанија“, и маршираа во центарот на Барселона.
Протестите се одржаа на денот на националниот празник на Каталонија, наречен Диада.
Во меѓувреме, се повеќе се заострува реториката меѓу таа богата североисточна покраина и шпанската централна власт.
Официјален Мадрид остро се противи на одржување на референдумот.
За шпанскиот премиер Мариано Рајох, каталонските сепаратисти во Барцелона се авторитарни и се закануваат дека веќе во октомври ќе прогласат независност доколку успее референдумот за самооппределување. Шпанското судство го забрани ова народно изјаснување на Каталонија.
“Од сите Каталонци и Шпанци барам да имаат доверба во иднината бидејќи авторитарните лудила нема да можат никогаш да ја изместат рамнотежата на нашата демократска држава”, изјави Рајох, шеф на шпанската конзервативна влада.
“Шпанија е голема земја бидејќи може да смета да енергијата на многу Шпанци и разумни Каталонци, демократи и умерени, но сите тие се се повеќе заборавени поради се порадикалната и поконфликтна тенденција”, рече Рахој.
Уставниот суд на Шпанија го суспендира законот за референдум, кој минатата среда беше усвоен од каталонскиот регионален Парламент, додека Државното обвинителство најави тужба против Карлос Пуичемон и другите членови на неговата Влада поради злоупотреба на положбата, а од вработените во јавниот сектор побара да не учествуваат во организирање на референдумот.
Пуичемон: „Ова е легален референдум, во согласност со законите кои ги усвои Парламентот на Каталонија“.
