Лавата која избива од вулканот на канарскиот остров Ла Палма стигна вчера, доцна вечерта, до морето и така створи потенцијално штетни гасови, заради кои жителите на околните места се затворија во своите домови.
Десет дена по ерупцијата на вулканот лавата вчеравечер околу 23 часот по локално време почна да влегува во морето на брегот на Тазакорте. Камерите на локалните телевизии, поставени на брод на отворено море, прикажуваат како камења и оган влегуваат во водата, но заради темницата не се гледа пареата настаната со мешање на врелата лава и ладното море.
Amanece en La Palma y comienza a formarse un delta de lava que poco a poco gana terreno al mar. pic.twitter.com/KNg6jy5Y4K
— Instituto Español de Oceanografía (@IEOoceanografia) September 29, 2021
Службата за вонредни состојби на Канарските острови ги повика жителите да се засолнат на сигурни места ако се наоѓаат во тоа подрачје, во радиус од 3,5 километри.
Вулканолозите велат дека гасовите можат да бидат штетни во круг од два километри од местото каде што лавата влегува во морето.
Жителите на четирите околни места се затворија во куќите, извести шпанската државна телевизија ТВЕ.
Вулканот проработе на 19 септември и досега нема човечки жртви.
