Во рамки на континуираните превентивни активности на Одделението за превенција при СВР Скопје во соработка со ЈП Национални шуми, во склоп на оперативниот план “Безбедно лето 2022“, вчера и денес (08/09.08.) ја реализираа превентивната кампања – “Лето без пожари“.
Основна цел на кампањата е заштита и зачувување на зелените шумски површини, земјоделско земјиште, ливади и пасишта од пожари, првенствено преку подигнување на свеста на граѓаните за ризиците од појава на пожари и штетите од нив.
Активностите се реализираа на подрачје на ПСОН Карпош – Нерези и ПСОН Аеродром – Долно Лисиче, на тој начин што полициски службеници им укажуваа на граѓаните за ризиците од пожар и штетите од евентуалната нивна појава.
Воедно, како надополна на едукативно-информативните активности во насока на совесно однесување и почитување на позитивната законска регулатива, граѓаните добиваа и соодветен материјал со едукативна содржина.
