Фудбалерите на Арсенал и Атлетико Мадрид одиграа вечерва на Евбирати нешерено 1:1 во првиот натпревар од полуфиналето на Лига Европа.
После одличната партија и подобрата игра на Арсенал, гостите во Мадрид се враќаат позадоволни.
Домаќините беа подобри на целата средба, доминираа, имаа посед на топката 78 отсто, но гостите се чини подобро се снајдоа.
Александре Лаказет го доведе Арсенал во водство во 51 минута, а изедначувањето на Атлетико му го донесе Антоан Гризман во 82 минута.
На екипата на Арсен Венгер работата на вечерашниот натпревар им беше олеснета на самиот почеток.
Шиме Вршаљко во втората минута заработи жолт картон, а само осум минути подоцна и вториот, па ја остави својата екипа без играч помалку на теренот. Вршаљко за десетте минути колку што беше во игра постави два рекорди заработувајќи оваа сезона најбрз жолт картон и најбрз втор жолт картон во Лига Европа.
Страстите дополнително се разбрануваа кога во 14 минута поради приговор кон судијата од теренот беше отстранет тренерот на Атлетико, Диего Симеоне.
Арсенал после тоа имаше голем број прилики, но не успеа да ја погоди мрежата на шпанската екипа.
Одбраната на Атлетико ја проби Лаказет во 61 минута, Вилшир ја нафрли топката во казнетиот простор , а Лаказет со глава стрелаше во долниот десен агол од голот на гостите и го совлада Облак.
Во серијата нападни на Арсенал, Атлетико стигна до изедначување, а стрелец беше Гризман во 81 минута.
И на едните и на другите овој двомеч на некој начин им е последна прилика за спас на сезоната. Двете екипи сакаат да го освојат ова натпреварување затоа што евентуалниот трофеј би бил единствениот што би го освоиле оваа сезона.
Сепак, Арсенал е под многу поголем притисок. Во првенството бодовно заостанаа зад позициите кои водат во Лигата на шампиони, дури 11 бодови за зоната која води во елитното натпреварување, го загубија финалето на Лига купот додека во ФА купот испаднаа уште во раната фаза. Само освојувањето на Лига Европа им донесува трофеј, но и пласман во Лигата на шампиони.
Фудбалерите на Марсеј направија голем чекор кон финалето во Лион, откако вечерва на свој терен славеа против Салцбург со 2:0.
Головите за победничката екипа ги постигнаа Флоријан Товен во 15 и Клинтон Н’Жије во 63 минута. Припостигнувањето на двата гола асистираше Дмитри Паје.
Реванш натпреварите се за седум дена, на 3 мај.
(Фото: АП)
