Младинската ракометна репрезентација на Македонија вечер во осминафиналето на Светското првенство за играчи до 21 година ќе игра против домаќинот Алжир.
Избраниците на селекторот, Илија Темелковски, по добрата игра против Бразил како второпласирани од групата за противник го добија домаќинот Алжир.
Полните трибини кои ги очекуваа организаторите можат да бидат само дополнителен мотив за младите ракометари на Македонија предводени од Талески, Кузмановски, Нелоски, за да се постигне успех и пласман во следната рунда.
На Светското првенство денеска се играат сите осминафинални дуели, а двојките се:
Франција-Фарски Острови, Тунис-Исланд (почеток 15 часот), Шпанија-Аргентина, Германија-Шведска (почеток 17:15 часот), Унгарија-Словенија, Хрватска-Русија (почеток 19:30 часот), Данска-Норвешка и Македонија-Алжир (почеток 21:45 часот)
