Стапката на сиромаштија во Аргентина достигна 57,4 отсто во јануари, што е највисоко ниво во последните 20 години, покажа истражувањето на Аргентинскиот католички универзитет.
Сиромаштијата се продлабочи откако новиот претседател Хавиер Милеи непосредно по превземањето на должноста на 10 декември, го девалвираше пезосот, што дополнително го забрза растот на цените, утврдиле авторите на извештајот.
На крајот на 2023 година, стапката на сиромаштија беше 49,5 отсто.
Милеи вети дека ќе ја „доларизира“ економијата, ќе ја намали инфлацијата која надмина 200 проценти, ќе го намали буџетскиот дефицит на нула и ќе укине бројни социјални програми.
Во декември, владата започна серија економски реформи, девалвирајќи го курсот на на пезосот во однос на доларот за 54 отсто, што ги намали приходите на луѓето и ги зголеми цените.
Паралелно, Буенос Аирес ги намали субвенциите за енергија и транспорт и ги зголеми даноците.
(Фото: Архива / Луис Робаво – АФП)
