Кериен Стивенс, раководителка во детски јасли во Лондон, изјави дека една од нејзините воспитачки утринава е претепана и прободена на патот кон работа. Според нејзините зборови, тоа го направиле три жени со повиците „Алах, Алах!“
Жртвата одела пешки кон работа, во северниот дел на Лондон, кога наишла на три девојки од азиско потекло. Нападната била од зад грб околу 9.30 часот и исечена секаде по телото.
Полицијата ги бара осомничените, но овој случај не го третира како терористички чин, пренесува Сан.
Жртвата ги опишала девојките како „Азијатки“ и рекла дека побегнале откако еден маж притрчал по нејзините повици за помош. Нејзините рани не се опасни по живот, но таа е, како што велат, видно вознемирена.
Родителите на децата се известени дека градинката ќе биде затворена до расчистување на случајот.
Да потсетиме, во Лондон владее состојба на највисока тревога после минатонеделниот напад. Седум лица беа убиени, додека 48 се префрлени во болница откако тројца екстремисти прво, со комбе, покосија пешаци на Лондонскиот мост, а потоа влетаа во прометна улица кај блискиот пазар Бороу каде што ги напаѓале луѓето со ножеви.
