Во западните делови на Македонија попладне ќе биде нестабилно со пороен дожд и грмежи. Локално процесите ќе бидат и поинтензивни, со пообилен пороен дожд, засилен ветер и услови за појава на град.
Подоцна попладне нестабилно ќе биде и во југоисточните делови. Ќе дува слаб до умерен ветер од северозападен правец, соопшти денеска УХМР.
Утре во текот на денот нестабилно ќе биде во јужните делови на земјава, каде што локално повторно има услови процесите да бидат поинтензивни.
Поради спуштање на постудена воздушна маса, позначителна нестабилност се очекува во петок кон сабота.
Во сабота во текот на денот ќе биде претежно облачно со засилен северен ветер и со повремени врнежи од дожд со ретки грмежи, пообилни во западните делови.
Засилен северен ветер и пониски температури ќе има до понеделник, а во недела можен е слаб дожд.
