Во последните 24 часа се направени 1.045 тестирања, а регистрирани се 164 нови случаи со Ковид-19. Институтот за јавно здравје денеска регистрира 12 оздравени пациенти и тоа во Скопје-3, Прилеп-6, Струга-1, Велес-1 и Виница-1. Починати се две лица – од Скопје и Тетово.
Од вкупниот број нови регистирни случаи во Скопје се 85, Куманово-24, Дебар-3, Штип-5, Прилеп-3, Тетово-18, Струга-5, Охрид-9, Гостивар-2, Гевгелија-1, Крива Паланка-1, Кочани-1, Македонски Брод-1, Валандово-1, Свети Николе-2, Ресен-2, Неготино-1.
Во ГОБ „8 Септември“ почина пациентка од Скопје (53 г.) хоспитализирана како сомнителна на Ковид-19 на 2 јуни и потврдена позитивна по приемот. Во болницата во Тетово почина пациентка (60 г.) хоспитализирана како сомнителна на Ковид-19 на 9 јуни, соопшти Министерството за здравство.
Вкупната бројка на Ковид дијагностицирани во земјава од почетокот на епидемијата изнесува 3.701, бројката на оздравени пациенти е 1.694, на починати е 171, а во моментов бројот на активни случаи во земјата изнесува 1.836. По завршени епидемиолошки анкети и евидентиран еден контролен резулатат, последната дистрибуција по градови е следна:
• Скопје 1676, активни 1040
• Куманово 620, активни 202
• Дебар 56, активни 5
• Штип 232, активни 192
• Прилеп 226, активни 25
• Тетово 336, активни 165
• Струга 115, активни 39
• Велес 149, активни 28
• Битола 30, активни 3
• Охрид 55, активни 38
• Кавадарци 6, активни 1
• Гостивар 56, активни 33
• Гевгелија 7, активни 3
• Струмица 7, активни 4
• Крива Паланка 8, активни 2
• Радовиш 4,
• Крушево 3,
• Кочани 54, активни 23
• Пробиштип 11, активни 9
• Демир Хисар 1,
• Македонски Брод 3, активни 1
• Пехчево 3,
• Берово 2, активни 1
• Валандово 4, активни 3
• Виница 3, активни 1
• Делчево 1,
• Кратово 3, активни 1
• Свети Николе 7, активни 6
• Кичево 3, активни 1
• Ресен 3, активни 3
• Неготино 17, активни 8 (*9 лица од ПЕ Неготино се жители на Демир Капија)
Направените 1.045 теста се преку: ИЈЗ –353 , ЦЈЗ Скопје-23, Авицена –152, Биотек -95, Клиника „Жан Митрев“ –166, Систина со PCR метода –114 и МАНУ -142. Досега во земјата се направени вкупно 41.049 тестирања на Ковид -19. Денеска нема тестирања во рамките на скринингот.
На Инфективната клиника во изминативе 24 часа примени се 16 нови пациенти, а вкупно се хоспитализирани 93 пациенти. На кислородна поддршка се 44 пациенти, нема пациенти на механичка вентилација. До изутрината во ГОБ „8 Септември“ примени се 16 нови пациенти, а вкупно се хоспитализирани 60 пациенти. На респираторна машина се 10, a со потешка клиничка слика се уште 11 пациенти.
Во болницата во Битола се хоспитализирани 25 пациенти, а на домашно лекување преку болницата се следат двајца пациенти. Во болницата во Штип се хоспитализирани 23 пациенти. На инфективните одделенија во Тетово, Охрид, Велес, Куманово и Прилеп се хоспитализирани 31 пациент – позитивни и сомнителни на Ковид-19.
По општини активни случаи во Скопје заклучно со вчера – (бројката по општини може да подлежи на измени со оглед на тоа што од вчера се уште не се завршени сите анкети):
• Чаир-235
• Бутел-88
• Аеродром-87
• Гази Баба-89
• Центар-87
• Карпош-79
• Сарај-75
• Кисела Вода-52
• Ѓорче Петров-39
• Шуто Оризари-29
Студеничани-25
• Арачиново-30
• Илинден-20
• Петровец-7
• Чучер Сандево-6
• Сопиште-3
• Странец-2
• Неутврден-2.
