Европската комисија уште еднаш изрази загриженост поради фактот што голем број Руси по забрзана постапка добиваат српско државјанство, а потоа влегуваат во Шенген зоната без потреба од вадење виза.Тоа, според оценката на ЕК, претставува безбедносен ризик за Европа.Што се однесува до Србија, таа на овој начин ја ризикува својата визна либерализација.
Имајќи го предвид големиот број Руси на кои Србија им дава државјанство по олеснителни и поедноставени правила, Комисијата соопшти дека се загрижени за потенцијалните безбедносни ризици во блокот.
Коментирајќи го ова прашање, портпаролот на Европската комисија за Радио Слободна Европа изјави дека Србија треба да ја усогласи визната политика и да не им дава државјанства на Русите по забрзана постапка.
Притоа, истакна дека Србија како земја-кандидат треба да воспостави построги правила кон Русија и истовремено посочи дека ситуацијата во моментов внимателно се следи.
„Европската комисија е свесна за големиот број руски граѓани кои се населиле во Србија по руската агресија врз Украина.Како од земја кандидат, од Србија се очекува прогресивно прилагодување на политиките и одлуките на Европската унија.Комисијата внимателно ја следи ситуацијата и разменува информации со српските власти во врска со присуството на руски државјани во Србија“, се вели во соопштението на портпаролот.
Меѓутоа, не се соопштено какви мерки ќе преземе Комисијата во случај Србија да продолжи ад-хок да дава државјанства на Русите и да не ја усогласи својата визна политика.
Ова не е првпат ЕУ да изразува загриженост.
Претходно, во мај оваа година, Комисијата објави дека е загрижена поради тоа што Србија дава државјанства на граѓани од други земји според поедноставени правила.
Тогаш портпаролот на Европската комисија рече дека Србија ризикува безвизен режим, бидејќи е зголемен бројот на државјани на трети земји кои добиваат државјанство и потоа влегуваат во земјите на ЕУ без визи.
Новинарката на „Европски Западен Балкан“, Софија Поповиќ, за Нова вели дека во неколку наврати во изминатите шест месеци можевме да видиме предупредувања од Европската комисија поради новите одредби од српскиот закон, со кои државјанство може да се добие по еден година на престој во земјата, полесно отколку порано.
„Конкретно, причината за стравот на Брисел лежи во фактот што огромен број руски граѓани, на кои вообичаено им се ограничуваат патувањата во ЕУ, би можеле да избегаат со српски пасош.Безбедноста на Шенген зоната е од големо значење за Европската унија и Брисел нема да дозволи правилата и процедурите на ЕУ да се кршат преку Србија“, наведува Поповиќ.
Таа посочува и дека ова не е првпат српските власти да си поигруваат со безвизниот режим за српските граѓани.
„Сличен проблем имаше и минатата година, кога Србија прво го укина безвизниот режим за граѓаните на оние земји на кои вообичаено им требаше виза за ЕУ, а потоа после предупредување повторно воведе визи за истите“, рече Поповиќ.
За можноста за укинување на безвизниот режим за Србија, вели:
„Верувам дека на крајот ќе се откажат од таквите мерки и дека нема да се дозволи да се загрози безвизниот режим за Србија, што во очите на граѓаните е едно од најголемите достигнувања на досегашниот евроинтеграцискиот процес. Меѓутоа, обесхрабрувачки е тоа што по толку години од процесот за европска интеграција, властите автоматски не ја земаат предвид обврската да ги почитуваат европските регулативи на кои се обврзаа, туку Брисел мора на ова да ги потсетува“, заклучува Поповиќ.
(Извор: Нова.рс / Фото: Еспресо.рс)
