Сите кои утрово се најдоа во близина на дворецот Мирамар, близу Трст, во Италија, во морето можеле да видат природен феномен каков што не е виден 25 години. Над морското ниво во текот на ноќта, на поширокото подрачје на заливот, се формирала тенка кора од мраз, пишува Приморски дневник.
Сличен случај последен пат е забележан во 1999 година, на 25 јануари, кога временските услови биле слични на денешните.
Тогаш се пишувало за вистинска сензација, бидејќи измерените температури биле неколку степени Целзиусови над нулата.
Новинарот Дарко Брадаси пишува дека над тоа подрачје владее силен антициклон со многу топол висински воздух.
На тој начин, радиосондата од Риволт на полноќ ја утврди точката на смрзнување на водата на висина од околу 2.936 метри, што укажува на стабилна атмосфера и изразен температурен пресврт.
Утрово на пристаништето во Трст се измерени 3,4 степени Целзиусови.
Поради изразената стабилност на атмосферата и отсуството на значителни ветрови, голема е веројатноста дека температурите во најниските слоеви на земјата биле за неколку степени пониски отколку на висина од околу два метри, каде што се поставени официјалните термометри, објасни Брадаси.
Според него, важна улога има тенкиот слој магла, кој веќе неколку дена се задржува над морето, ги запира сончевите зраци и ја зголемува концентрацијата на слатка вода во тенкиот горен слој на морето, како и многу мирното море.
А, тоа, морето, последните неколку дена е целосно мирно, без бранови.
(Фото: Илустрација / Алесандро Мичелаци)
