„Ќе преземеме соодветни мерки, односно ќе ги разрешиме или казниме директорите доколку под нивно влијание се формирале платите“, истакна министерот за здравство, Беким Сали, во одговор на новинарско прашање.
За време на денешната посета на Амбулантата „Пролет“, тој појасни дека сеуште се чека Фонд за здравствено осигурување да направи увид и да го достави финалниот извештај, не само за Детската Клиника, туку и за четири други.
„Формирањето на плата на еден вработен врз основа на Колективниот договор е врз основа на повеќе индикатори. Дали е тоа пракса и во изминатиот период или само во делот на анализираниот период ќе видиме со дополнителни анализи“, додаде Сали.
