„Очигледно е лицемерието на ВМРО-ДПМНЕ преку предлогот за укинување на радиодифузната такса, да прикаже наводна загриженост за потребите на граѓаните.
ВМРО-ДПМНЕ преку јавниот сервис 11 години вршеше пропаганда што ја наплаќаше од осиромашените граѓани, а на секој предлог на СДСМ за укинување на оваа давачка, силно се противеше“, се наведува во денешно соопштение за јавноста од СДСМ.
Пред неполни два месеца, на 11 мај, лидерот на ВМРО-ДПМНЕ, Никола Груевски изјави дека преку укинувањето на радиодифузната такса, СДСМ сака да создаде целосна контрола врз МРТВ и зависност на МРТВ од Буџетот.
Претходно, на 12 јануари, ВМРО-ДПМНЕ во партиско соопштение сметаше дека предлогот на СДСМ за укинување на радиодифузната такса е „неука и апсурдна идеја на СДСМ“.
И за време на пржинските преговори, ВМРО-ДПМНЕ силно се противеше за предлогот за укинување на радиодифузната такса, а пратениците од ВМРО-ДПМНЕ во 2016 година ги отфрлија измените на Законот за медиуми предложени од СДСМ со кои се предвидуваше финансирање на јавниот сервис од Буџетот.
Во 2012 година, ВМРО –ДПМНЕ не само што на је укина, туку и дополнително ја покачи радиодифузната такса.
Додека додека илјадници граѓани беа со блокирани сметки поради неможност да ја платат таксата, ВМРО-ДПМНЕ вршеше интензивна партиска пропаганда финансирана од парите на граѓаните.
Затоа, ВМРО-ДПМНЕ нема право да провоцира и да се обидува да профитира со предлози кои како дел од Програмата на новата Влада наскоро ќе се остварат.
