Речиси сите делови на Хрватска денеска беа повеќе или помалку погодени од силно невреме, од загорје, преку Истра, Славонија па се до Задар.
Ветрот и дождот направија голема материјална штета, а однесоа и еден човечки живот. Шеесет и петгодишен маж се удави во Јадранското море, близу островот Крк, откако неколку метри висики бранови му го превртеле малиот рибарски брод што тој го управувал. Несреќата се случила околу 18.45 часот, поради, како што информираат од Приморската полиција, силен налет на ветар.
После 19 часот невреме го зафати и Загреб. Дожд проследен со грмежи предизвика застој на многу коловози во главниот град на Хрватска. Силниот ветар рушел се пред себе. Причинета е значителна материјална штета. Засега нема дојава за повредени или загинати лица.
Драматично било и на Истра, и на крајбрежјето и во средишните делови на полуостровот. Темни облаци во потполност го затемниле небото над Новиград, така што се чинело дека е ноќ.
Локалните медиуми јавуваат дека главниот удар на невремето проследено со град во Пореч и околината траело неколку минути и за тоа време летале реклами, столици, маси, чадори за сонце, тенди, контејнери и канти за ѓубре и биле откорнати бројни дрва.
Борови иглички, гранки и листови ги затнале решетките на одводните канализации заради што одделни делови од градот извесно време биле претворени во мали езера.
Во северозападна Хрватска регистрирани се големи количества дожд, а на одделни места и град. Хум на Сутла, место што е на границата со Словенија, меѓу првите страдаше од невремето, а Загорје во попладневните часови го погодина силен дожд и град со големина на лешник.
Невреме го зафати и подрачјето на Осјек. Надлежните служби таму предупредуваат на можни проблеми со дрвата крај коловозите и за можно излевање на вода во подрумите.
Во Задар бурата предизвика огромна материјална штета.
