Евдард Сноуден, поранешниот работник на ЦИА кој во 2013 година обелодени информации од разузнавачи за прислушкување на граѓани, се огласи на Твитер по повод падот на Фејсбук и другите две социјални мрежи што се под негова „заштита“.
Тој веста за нефункционалноста на Фејсбук, Инстаграм, Месинџер и Вотсап ја дочека со радост. Инаку, остро го критикуваше монополот на Марк Цукенберг кој ги обедини трите мрежи, па кога ќе се случи дефект, тоа подеднакво влијае на секоја поединечно и дека заради тоа нивниот сопственик губи многу пари.
„Фејсбук, Вотсап и Инстаграм во исто време паѓаат. Се чини дека е лесно разбирлив и популарен пример зошто разбивањето на одреден монопол на барем три дела можеби не е лоша идеја“, напиша Сноуден на Твитер.
Facebook, WhatsApp, and Instagram all going down at the same time sure seems like an easily-understandable and publicly-popular example of why breaking up a certain monopoly into at least three pieces might not be a bad idea.
Somebody should tell Elizabeth Warren.
— Edward Snowden (@Snowden) October 4, 2021
Тој беше активен на Твитер, а во низата твитови напиша дека Фејсбук и Инстаграм се мистериозно исклучени.
„Еден сјаен ден, светот станува поздраво место“, порача Сноуден.
(Фото: АП)
