Откриена ли е една од најбесрамните и најголемите измами во големиот бизнис?
Интригантно е како веста дека најголемата светска компанија за тргување со стоки, „Трафигура“, одеднаш се најде соочена со огромна загуба во бизнисот со никел од 577 милиони долари.
„Трафигура“ – француска компанија со седиште во Сингапур, основана во 1993 година, која води меѓународни операции преку повеќе од сто подружници ширум светот и доминира на пазарот со базични метали и енергевси – купувала големи количини никел од различни компании, а во еден момент нејзините менаџери сфатиле дека добиваат контејнери со руда која воопшто нема никел.
Менаџерите на „Трафигура“ проценуваат дека измамата најверојатно била од „системска природа“, но допрва треба да ги состават сите коцки од мозаикот што ќе откријат што точно се случило.
„Трафигура“ извршила инспекциски надзор на пратката со никел од декември 2022 година, и откако пратката пристигнала на нејзината дестинација, утврдиле дека во контејнерите воопшто нема никел.
Најголем дел од пратките од договорената работа со групата компании допрва треба да пристигнат на своето одредиште, а ќе следи и нивна проверка. Полн контејнер со никел, кој е скап метал, може да вреди околу 500.000 долари пред да се преработи.
Засега не се знае дали управителите на „Трафигура“ се посомневале во квалитетот на пратките со никел, дали можеби добиле некаква дојава или пак увидот бил од редовен карактер.
Иако истрагата и после два месеци од нејзиното спроведување не е ни близу до крајот, засега е познато дека „Трафигура“ покрена „правни дејствија“ против индискиот бизнисмен Пратеек Гупта и неколку компании со кои тој е поврзан, како што се „ТМТ Металс“ и „УД Трејдинг Груп“.
„Трафигура“ тргувала со споменатите компании од 2015 година, но минатата година ја интензивираа соработката.
Графикон кој го прикажува движењето на цената на никелот во последните три години
Никелот е најценет таканареченбазен метал.Неговата цена е повеќе од 28.000 долари за тон.За споредба, бакарот чини околу 9.000 долари.
Пазарот за никел излезе од контрола минатата година по руската инвазија на Украина, поради што Лондонската берза за метали го прекина и откажа тргувањето.
„Трафигура“ последните години работеше извонредно, па така последниот резултат беше рекорден.
Проценките велат дека штетата на компанијата би можела да изнесува 7 отсто од рекордната добивка од финансиската 2022 година, односно 577 милијарди долари.
(Фото: Профимедиа)
