Жена од Канада по име Паскал Фериер ја признала вината заради тоа што во 2020 година на тогашниот американски претседател Доналд Трамп му испратила во Белата куќа заканувачко писмо натопено со рицин, смртоносен отров.
Во писмото таа тогаш му порачала на Трамп да се откаже и да ја откаже кандидатурата. Меѓутоа, писмото било пресретнато од службата за „сортирање пошта“ пред да стигне на крајната дестинација.
Фериер, исто така, ја призна вината и за испраќање слични заканувачки писма до високи службеници во полицијата во Тексас.
Се очекува дека ќе добие повеќе од 20 години затвор, а пресудата е закажана за во април.
Според наводите на Обвинителството, Фериер со преработка на рицинус направила рицин, а потоа му го испратил на Трамп во писмо во кое го нарекла „одвратен тирански кловн“.
Во писмото, исто така, пишувало: „Ако ова не ја заврши работата, ќе најдам подобар рецепт за друг отров, а можеби ќе го употребам и мојот пиштол кога ќе можам да дојдам. Уживајте. Слободен бунтовнички дух“. Уапсена е додека се обидувала од Канада да премине во САД, а кај себе имала пиштол, нож и неколку стотици куршуми. Во Канада дошла од Франција и има државјанство на двете земји.
