Инфлацијата во Србија во јули, на годишно ниво, според податоците на српскиот Републичкиот завод за статистика изнесува 4,3 отсто, што е на линија која е во склад со проекциите на Народната банка на Србија, објави централната банка.
Како што се наведува во соопштението, инфлација во јули изнесувала 0,4 отсто, што е еднакво на просечните месечни остварувања од почетокот на годината.
Во него се нагласува дека месечната динамика на инфлацијата во јули е одбележана со еднократни поскапувања кај одредени категории преработена храна (леб, кафе, кондиторски производи чии цени го одразуваат растот на цените на овие производи на светскиот пазар или суровините кои се користат во нивното производство), како и зголемување на цените на услугите и во мали мерки на повисоките цени на нафтените деривати.
Од НБС додаваат дека во рамките на цените на храната, чијшто придонес во вкупната инфлација втор месец по ред е неутрален , зеленчукот поевтинел за 6,3 отсто, со што е неутрализиран растот на цените на преработките од споменатите 0,9 отсто.
Гледано на годишно ниво, според податоците на Централната банка на Србија, растот на цените на храната изнесува 1,4 отсто, додека цените на зеленчукот во просек се пониски отколку од јули лани за 14,1 отсто. јави Танјуг.
Цените на производите и услугите во рамки на базната инфлација во јули пораснале за 0,7 отсто, за што, како и во претходните месеци, најмногу придонесе зголемувањето на цените на услугите – сезонскиот раст на цените на туристичките пакет-аранжмани, привременото зголемување на цената на услугите за испорака на пакети, како и повисоките цени за изнајмување.
Од НБС истакнуваат дека на годишно ниво базната инфлација во јули останала непроменета и изнесувала 5,1 отсто, што е ниво околу кое се движеше во последните месеци.
Се наведува и дека цените на енергенсите во јули, во однос на јуни, се зголемени за 0,5 отсто, што во целост се должи на растот на цените на нафтените деривати од 1,9 отсто, а на меѓугодишно ниво, растот на цените на енергенсите во јули изнесувал 6,8 отсто.
