Средната оценка на екстерните испити од државната матура за учебната 2016/2017 во јунскиот испитен рок е 3.39, соопшти Државниот испитен центар кој ги презентираше резултатите од испитите.
Ова е прелинеарна средна оценка за успехот од полагањето државна матура, зашто од денеска до 10 јули до 15 часот може да се поднесуваат приговори до училишните комисии. Резултатите од приговорите ќе бидат објавени на 17 јули во училиштата. Во ависност од тоа колку од нив ќе бидат прифатени ќе зависи и конечната оценка. Цената на секој приговор е 1.500 денари кои ќе му бидат вратени на подносителот доколку приговорот биде основан и прифатен.
Директорката на ДИЦ, Мируше Амети, која на прес-конференција ги соопшти првичните резултати по сите предмети, рече дека годишниот успех е во рамки на просекот од постигнувањето во претходните години.
„Во 2016-та средната оценка беше 3.42, но тоа беше по процесот на приговори. Сега сме пред приговори и 3.39 не е конечна оценка. Оценката зависи и од бројот на ученици, некоја генерација има поголем број ученици, некоја помалку. Ние како Државен испитен центар, сме задоволни од оценката 3.39, што, секако може и би било поубаво да е повисока“, рече Амети.
Во јунската испитна сесија од годишната, 10-та државна матура, беа пријавени вкупно 16.426 матуранти- 8274 од гимназиско образование, 7881 од средно стручно образование и 271 од средно уметничкко образование. Тие полагаа тестови по три екстерни предмети.
Вкупната средна оценка по мајчи јазик (македонски, албански и турски јазик) е 3.48. Ова е задолжителен екстерен испит за кој во јуни биле пријавени 15.572 кандидати.
Средната оценка за англискиот јазик, кој го полагале 14.535 ученици, е 2.99. За останатите три странски јазици (француски, германски или руски) кои го полагале 317 матуранти, вкупната просечна оценка на постигнатиот успех е 4.04. Средниот успех по математика е 3.43, а истиот го полагале 2020 ученици.
Највисоката просечна оценка (4.12) меѓу предметите за третиот екстерен испит е постигната по биологија, а за предметот биле пријавени 3350 ученици. За естеика од 189 кандидати средниот успех е 3.56, филизофија 3545 кандидати и просечен успех 3.70, историја 2734 и просечна оценка 3.49, физика 115 кадидати и оценка 3.80, хемија 280 кандидати и оценка 3.72 и по предметот бизнис 4016 кандидати и средна оценка 3.37.
Кандидатите кои во јуни не ја положиле државната матура или не во целост, од 11-ти до 19 јули може да се пријават на полагање во августовиот рок. Тестирањата ќе бидат организирани на 14-ти, 15-ти, 16-ти и 17-ти август.
