„Мајкрософт“, „Ватсап“ или „Амазон“ се заканија дека ќе ја напуштат Велика Британија откако во таа земја беа објавени прописи кои се, велат, многу контроверзни и се „иницијатор“ за заминување на овие технолошки гиганти.
Британските прописи, кои беа многу брзо смислени, а наскоро треба да стапат во сила, се нешто за што се загрижени големите компании.
Велика Британија сака да усвои Закон за безбедност на Интернет, кој ќе ги утврди правилата за работа и високите казни за фирмите во случај на кршење, и Законот за дигитални пазари.
Со оглед на тоа дека моќта би била во регулаторот кој ја надгледува пазарната конкуренција во Британија, технолошките компании веруваат дека ова е преголема слобода за едно тело и дека го загрозува нивниот бизнис.
Законот за безбедност на интернет, чие донесување беше најавено за наесен, пропишува строги правила за следење на содржините на социјалните мрежи со цел да се заштитат децата.
Прекршувањата подлежат на високи парични казни, како и затворски казни за поединечни технички менаџери, доколку компаниите не ги почитуваат правилата.
Една клаузула која се покажа особено контроверзна е предлогот шифрираните пораки, вклучувајќи ги оние испратени преку „Ватсап“, да може да се читаат и да се предадат на полицијата преку платформите на кои се испраќаат, доколку се смета дека претставуваат закана за националната безбедност или за заштита на децата од ризик.
Добротворна организација за деца ги опиша шифрираните апликации за размена на пораки како „прва линија“ каде што се споделуваат слики од злоупотреба на деца, но исто така се смета за клучна безбедносна алатка за активистите, новинарите и политичарите.
„Ватсап“, „Протон“ и „Сигнал“ се заканија дека ќе го напуштат британскиот пазарот токму поради ова барање од новиот закон.
Предлог-законот за дигитални пазари исто така минува низ парламентот.
Се предлага британскиот регулатор за заштита на конкуренцијата да ги издвои големите компании како „Амазон“ и „Мајкрософт“, да им даде правила што треба да ги следат и да ги казни ако не го прават тоа.
„Мајкрософт“ жестоко реагираше кога Управата за пазарна конкуренција одлучи да го блокира купувањето на гигантот на една видео игра („Activision Blizzard).
„Овде постои јасна порака – Европската унија е попривлечно место за започнување бизнис од Обединетото Кралство“, видно бесен изјави извршниот директор, Бред Смит.
