Германските железници (Дојче Бан) почнаа да користат апликации за вештачка интелигенција во товарниот транспорт кои ќе ја зголемат безбедноста и ефикасноста, објави вчера железницата.
Камери ги снимаат товарни возови од сите страни, а вештачката интелигенција ги скенира овие слики и открива оштетување или истрошеност и ги испраќа возилата на ремонт.
„Новата процедура ќе го забрза товарењето на одредени видови стоки“, рече портпаролот.
„Вештачката интелигенција сега станува составен дел од нашето работење и ќе ни помогне да превеземе повеќе товар со помало влијание врз климата“, истакна Сигрид Никута од извршниот одбор на товарниот оддел на ДБ.
Првиот мост со камери во Германија беше пуштен во пробна работа во 2017 година. Сега ги има дваесетина.
Според податоците на железницата, овие камери дневно прават околу 300.000 фотографии од околу 10.000 минувања на возови.
Софтверот за вештачка интелигенција е задолжен за анализа на детали како што е состојбата на сопирачките.
Традиционалниот преглед на товарен воз трае до еден час, во зависност од неговата должина, а вештачката интелигенција тоа го прави речиси веднаш.
(Фото: Дојче Бан)
