Последиците од минатото невреме на хрватското крајбрежје сеуште не се целосно санирани, а веќе стигна ново кое најголемите проблеми ќе ги направи денес и утре.
Југото повторно прави проблеми во поморскиот сообраќај, а во прекин се бројни траектни и бродски линии, од северен Јадран до Дубровник.
Освен на крајбрежјето, дожд паѓа и во другите делови од Хрватска заради што веќе дојде до поплави.
Заради обилните дождови на подрачјето на Истра и Горски котаор денес беше издаден црвен аларм, а на сила е и за останатиот дел од брегот. Најинтензивни врнежи ќе има ноќва и утре претпладне. Југото ќе ослабе и ќе прерасне во бура, а доцна вечерва интензитетот на врнежите ќе се засили.
Дожд на Јадранот ќе има и во недела, а од понеделник може да се очекува нешто поубаво време.
Ветерот вчеравечер во Умаг и во околината направи голема материјална штета.
Според податоците, дождот на островот направи вистински хаос. На пристаништето еден помал брод потона, а силниот ветар го оштети кровот на општинската зграда. Пожарникарската екипа интервенираше повеќе пати заради паѓања на стебла и поплавени објекти.
На Фејсбук страницата на метеосервисот „Риметео“ надлежните служби напишаа дека Црес, Лошињ и Раб, заради силното Југо, се отсечени со остатокот од земјата.
Обилниот дожд кој непрестано паѓа цела ноќ, а и во текот на денешниот ден, направи големи проблеми и во Загорје.