Викарниот епископ Стобиски, владиката Јаков, денеска посочи дека на потег е Владата да се произнесе околу повлекувањето на Законот за родова еднаквост, за кој извршниот одбор на владеачката СДСМ соопшти дека ќе биде повлечен. Тој истакна дека овој потег на Социјалдемократите е за поздравување, но дека тоа засега е партиска одлука.
Протестот што Синодот на Македонската православна црква – Охридска Архиепископија го најави за во четврток, вели, не е насочен против ЛГБТ лицата и оти црквата досега со ништо не ги попречила активностите на невладите организации кои ги застапуваат нивните права.
„Дали сте забележале некакво попречување или говор на омрза од црквата кон тие луѓе или кон парадата. Имавме многу поуспешна парада за разлика од другите земји од соседството. Парадирањето што го прават тоа се едни исти луѓе, тука не мислам на ЛГБТ луѓето, туку на невладините организации кои, под плаштот на борба за човекови права, се платени да го оковаат во тоталитаризам нашето општетство. Тие паради се злоупотребуваат да се испратат пораки на омраза кон верските заедници, исклучиво кон црквата. На сите ни е свежо сеќавањето за транспарентот. Црквата не одговори со ниту една претставка, немавме ниту коментар“, рече викарниот епископ Стобиски, владиката Јаков.
„Парадата на гордоста“ во саботата се оддржа во Скопје под мотот „Љубов е Љубов“. Дел од активистите по и пред парадата користеа говор на омраза кон сите што не се согласуваат со нивните верувања и вредности, споделија анимација во која ваљак со боите на виножитото кои тие го користат ги прегазува семејството, традиционалните вредности и христијанските вредности.
Викарионот стобиски Јаков рече дека антагонизам на црквата кон некого, кон кого било, не постои и дека тоа е исмислено. Смета дека црквата е мета на прогон и линч.
„Тој обид за замена на тези да се претстави како закана за општетсвото нашето право на протест, е исто како агресорот кога се претсавува како жртва. Основните човекови права се загарнтирани во оваа држава без оглед на веросиповеста или сексуалната ориентација. Никој не смее да биде линчуван заради свој став или начин на живот. За тоа се бориме. Слободата е најголемиот дар кој бог му го дал на човекот. Тоа е менталитетот на црквата“, рече владиката Јаков.
Тој потенцираше дека со протестот во четврток, на кој ги очекуваат и другите верски заедници од кои имаат апсолутна поддршка, сакаат да порачаат дека промените во поимот род не се во ред.
„Тоа не е наша реалност и не сакаме да биде “, рече г.Јаков.
