Метеоролозите од британското Државно биро за метеорологија предвидуваат дека 2023 година ќе биде 10-та година по ред во која глобалните температури ќе бидат најмалку 1 степен Целзиусов над оние пред него што луѓето ги покренаа климатските промени.
Тоа значи дека 2023 година би можела да биде една од најтоплите години во светот, откако постојат службените мерења.
2016 година во моментов е најтоплата година, според записите кои датираат од 1850 година. Тогаш на Пацификот е забележан „Ел Нино“, кој заедно со трендовите на глобалното затоплување, ги зголемува глобалните температури, пишува „Индипендент“.
Професорот Адам Скалф, раководител за долгорочните прогнози во британското биро за метеорологија, вели дека следната година можеби нема да биде рекордна по прашањето за температурата, но ќе биде значајна поради зголемувањето на температурите поради зголемените глобални емисии на штетни гасови.
Д-р Ник Данстон од Бирото, кој ја водеше прогнозата за глобалните температури за 2023 година, вели дека глобалните температури во последните три години биле под влијание на „Ел Нино“.
„’Ел Нино’ има привремен ефект на ладење на глобалната просечна температура. Но, за следната година, нашиот климатски модел укажува на крајот на три последователни години со ‘Ел Нино’ и на враќање на релативно потопли услови во делови од тропскиот Пацифик. Оваа промена веројатно ќе доведе до тоа глобалната температура следната година да биде потопла од 2022 година“, истакнал Данстон.
Британската метеоролошка служба прогнозира глобална просечна температура помеѓу 1,08 и 1,32 Целзиусови степени, со средна проценка од 1,2 степени над она што беше во втората половина на 19 век.
Минатата година британските метеоролози предвидоа дека глобалната температура во 2022 година ќе биде помеѓу 0,97 и 1,21 Целзиусови степени над прединдустриските нивоа, со централна проценка од 1,09 Целзиусови степени.
Податоците за 2022 година до октомври покажуваат дека температурата е околу 1,16 Целзиусови степени над прединдустриските нивоа.
