Романската воздухопловна база Михаи Когалничеану (МК), која го добила името по блиското село, а тоа, пак, по либералниот политичар од 19 век, сега ќе се претвори во најголемата база на НАТО во Европа. Ќе биде поголема и од Рамштајн во Германија, пишува Би-Би-Си.
Одалечена е само 20 километри од брегот на Црното Море, 300 километри од Одеса и 400 километри од Севастопол на Крим, кој беше окупиран од Русија.
Шест РАФ-ови авиони од типот „Еурофајтер Тајфун“ седат на пистата, додека во далечината се издига облак од прашина над градилиштето на втората писта.
Базата МК наскоро, јавува британскиот јавен сервис, ќе има ескадрила романски Ф-16, неодамна купени од Норвешка, беспилотни летала MКу-9 Репер и воен град низ кој ќе ротира персонал на НАТО, воздухопловни и поморските сили од 32 земји.
Поручникот Чарли Таг, пилот на РАФ, изјави за Би-Би-Си дека има многу големо присуство на САД, нивна инфраструктура, луѓе и опрема.
Тој тврди дека руската инвазија на Украина ја променила и областа над која лета.
„Во текот на 2021 година, борбени пилоти на НАТО летаа далеку над меѓународните води во Црното Море.
Сега се држат до зона од 12 наутички милји над романските и бугарските територијални води, за да избегнат недоразбирања и ескалирачка состојба со Русите“, пишува Би-Би-Си.
Таг вели и дека им покажуваат на Русите дека се активни, со јасна порака на летање со вооружени авиони. Видел, тврдат Британците, дронови „Шахед“ како одат во Одеса, со помош на извори на топлина каде што оружјето удира и радарски отчитувања за следење на авиони.
Иако авионите на НАТО избегнуваат непотребни средби со Русија, во изминатите две години се случија два инцидента над Црното Море. Остатокот од секојдневниот живот во базата, каде се сместени 1.840 американски војници, е мирен, пишува Би-Би-Си.
(Фото: Радио Романиа)
