Раководството на ДУИ денеска ќе ги разгледува документите од работните групи кои интензивно работеа и ги доближија голем број од ставови, изјави вечерва во Мала Речица портпаролот на ДУИ, Бујар Османи.
Ова, вели Османи, се првични маратонски, внатрепартиски преговори во врска со документацијата која ја добиле од СДСМ и најави дека дебатата на Централното претседателство ќе трае до доцна во ноќта, а ќе продолжи во наредните денови по што ќе биде донесена одлуката.
Не може да се симплифицира процесот на давање потписи, поддршката на ДУИ е краен процес на еден постигнат договор помеѓу двете партии, Бујар Османи.
Потпретседателската тројка која разговараше со СДСМ, рече, смета дека се надминати сите пречки и дека може да почнат внатрепартиски договори со СДСМ за составување влада.
„Ќе се разгледува документацијата која е составена од работните групи. Лидерот Али Ахмети вчера вечер на средбата ги надмина разликите, и исполнети се условите претседателството да ги разгледа предлог законите и да може да одлучи. Вечерва почнуваме со маратонската дебата зашто е голем материјалот, дебатата ќе продолжи и во наредните денови, кога ќе се исцрпи дебатата ќе биде донесена одлуката. Доколку претседателстовото смета дека материјалот е недоволен има право да ја врати докумнтацијата на доработка. Тоа што работните групи сметале дека има доволен материјал, ќе треба да го потврди и претседателството на ДУИ“, рече Османи.
Тој не откри детали, но рече дека секако се ќе биде транспарентно зошто решенијата ќе мора да поминат низ Собранието.
