Отворање на прашањето за долгувањата на МПМ доаѓа по обелоденувањето на скандалот сo исплата на плата од 25.000 евра за Јана Станисављева, поранешна содружничка во компанијата, а за што прв објави токму Актуелно.
Висината на платата на Станисављева и нејзините дополнителни месечни примања од над 1,5 милиони денари никој од МПМ не ги негира, ниту ги демантира.
Молкот на Срѓан Керим недвосмислено упатува на заклучок дека се работи прво, за вистинит договор и, второ, за лошо и штетно работење на компанијата.
Бордот на директори на „Македонски телеком“, дознаваме, расправал за случајот „МПМ“, но засега нема информација за тоа што е одлучено.
Од фирмата не соопштуваат како планираат да го затворат договорот со „Македонски телеком“ и како ќе го затворат долгот направен поради неплаќање.
Колкав е реалниот долг на МПМ кон „Македонски телеком“ е тешко да се каже, но повеќе од извесно е дека се работи за, според некои, стотина илјади евра.
Заклучно со 10-ти мај МПМ е обвразано да ги плати сите фактури за март, но ним, од пред неколку дена, за наплата им се пристигнати и фактурите за април.
Фактурата за март 2017 година е со износ од 120.498 денари или околу 2.000 евра, но она што е фрапантно се однесува на заостанат, вкупен долг од 2.021.887 денари или нешто преку 32.000 евра.
Сторици илјади денари се плаќале за услугата „роаминг“, а многу пари се потрошени и за паркинг.
На друга, исто мартовска фактура, МПМ должи повеќе од 72.000 денари, но и заостанат, неплатен долг од 1.020.098 денари или повеќе од 16,5 илјади евра.
Фактура, испорачана до „Графички центар Скопје“ е со основен долг од 30.212 денари, но затоа, пак, дополнително, на име заостанат долг треба да се исплатат уште 593.751 денари.
Ниту фактурите за април кои се пристигнати на МПМ не се поинакви од од од оние од оние оде претходниот месец.
Една од фактурите која треба да ги плати е на износ од 118.690 денари, но затоа, пак, има заостанат долг од 2.147.997 денари или безмалку 35.000 евра.
За разлика од МПМ, нејзината фирма мајка/ќерка, „Телеграф ДООЕЛ“ работела малку подомаќински.
Заклучно со 29-ти април и била доставена фактура од 141.878 денари или 2,5 илјади евра, а печатницата „Графички ценатар Скопје“, за која е веќе поведена стечајна постапка, должи 625.376 денари.
Надлежните од МПМ се очекува да кажат и за тоа на чија мејл-адреса пристигнуваат известувања за долгот на фирмата кон „Македонски Телеком“, односно дали некое надворешно лице има увид во комплетната листа на броеви на сите вработени кои, иако редовно си ги подмиривале сметките, се водат како должници и поради тоа не можат да ги префрлат броевите на свое име.
Љубиша Станковиќ
