Со 62 гласа ЗА и ниту еден глас против, беа избрани претседател, заменик на претседателот, членови и нивни заменици на Комисијата за прашања на изборите и именувањата.
Во салата не присуствуваа пратениците на ВМРО-ДПМНЕ.
За претседател на комисијата е избран Илија Димовски, за негов заменик Зоран Илиоски, а за членови Антонијо Милошоски, Крсто Мукоски, Даниела Рангелова, Димитар Стевананџија, Благица Ласовска, Горан Мисовски, Дамјан Манчевски, Петре Шилегов, Мухамед Зеќири, Ивана Туфегџиќ, Џеват Адеми и Зеќирија Ибрахими.
По завршувањето на конститутивната седница Собранието треба да ја одржи третата седница за избор на работни тела, а напладне да продолжи втората седница за избор на нова влада.
Седницата за избор на нова влада, што почна вчера, треба да заврши најдоцна до полноќ кога треба да се гласа за предложеното решение од мандатарот Зоран Заев со најмалку 61 глас.
Во новата влада, според предлогот-составот што го достави мандатарот Заев, министри ќе имаат СДСМ, ДУИ и Алијанса на Албанците, кои имаат мнозинство од 62 пратеници во 120-членото Собрание.
