Таткото на 17-кратниот освојувач на Гренд-слем турнири, Новак Ѓоковиќ-Срѓан даде интересно интервју за српскиот сајт „Телеграф.рс“.
Таткото на Ноле го коментираше финалето на Австралија опен, во кое Ѓоковиќ во драматичен меч од пет сета го совлада австрискиот тенисер Доминик Тим за да триумфира за рекорден осми пат во Мелбурн.
Срѓан Ѓоковиќ е убеден дека на крајот на годината неговиот син ќе победи на сите големи натпреварувања оваа сезона и ќе го изедначи бројот на титули на Гренд-слем со Швајцарецот Роџер Федерер.
Шест години помладиот од Федерер, Ѓоковиќ е на само 3 титули од рекордните 20 на Федерер. Уште еден голем рекорд на Швајцарецот, кој ќе наполни 39 години во август, ќе биде загрозен од Ѓоковиќ, ако Србинот остане на врвот на АТП листата. Ѓоковиќ не е далеку од подобрување на рекордот на Федерер од 310 недели на првото место.
„Седумкратниот шампион на Австралија опен игра на Централниот терен, каде нема загубен натпревар, против некој Австриец во финалето и навивачите го поддржуваат Австриецот – замислете каков е недостигот на почит кон Новак. Тенисот е спорт за богатите луѓе и не можат да прифатат дека некој од сиромашната и мала Србија е најдобриот тенисер во последните 10 години. Оваа година Новак ќе се израмни со Федерер затоа што ќе победи и на другите три Гренд-слем турнири. Ќе го надмине Федерер околу 6-7 октомври за тоа колку недели е број 1, а ќе победи и на Олимпијадата во Токио“, рече Ѓоковиќ Сениор, цитиран од „Тенис Ворлд“.
