Народниот правобранител, Иџет Мемети во неделното интервју за Радио Слободна Европа посочува дека граѓаните изминативе години почнале да се плашат од судството. Мемети вели дека со промената на власта, се подобрила комуникацијата на Омбудсманот и останатите институции.
„Факт е дека во целиот овој процес, во сите овие збиднувања што ги имавме овие години и тој систем не остана имун, тој систем се разниша и падна под разни влијанија. И таму регрутирањето на судиите било доста проблематично и доста исполитизирано со години наназад.
„Сите овие околности доведоа тој систем да не успее да биде гарант на граѓаните во тоа што значи заштита на уставните слободи и права. Граѓаните почнаа да се плашат од тој систем, наместо да го имаа за сојузник дека е тој правичен и ако кој било згреши таму ќе ја добие правдата“, изјави Мемети.
ИЗВОР:АЛСАТ М
