Австриската Ерсте група во првата половина на 2017 година работела со нето добивка од 624,7 милиони евра, што е 26 отсто помалку отколку во истиот период минатата година, покажува денес објавениот финансиски извештај.
Нето приходот од камати се намалил во овој период за 2,3 отсто, на 2.14 милијарди евра, и покрај растот на кредитната активност. Како што се наведува во извештајот на банката, последица на тоа е помалиот приход од камата од државните обврзници.
Нето приходите од провизии и надоместоци се зголемиле за 2,9 отсто, на 910,9 милиони евра, а тргувањето паднало за 14,3 отсто, на 102,9 милиони евра.
Ерсте групацијата во овој период остварила раст на кредитите за 6,7 проценти и раст на депозитите на клиентите за 11,6 проценти.
„Тешко е да се најде банка во Европа, што може да покаже ваков вид на раст. Делумно ова се должи на фактот дека имаме таков бизнис модел и, се разбира, фактот дека централна и источна Европа се најбрзорастечки региони во Европа“, истакна извршниот директор на Ерсте групацијата, Андреас Трејхил.
Зборувајќи на иднината, тој напомена дека банката не може и не смее да си дозволи опуштање.
„И покрај нашите силни изведби во областа на кредитите и депозитите, нашите приходи од каматите паѓаат. Ниските каматни стапки и исплатливоста на нашето портфолио на обврзници го бараат нашето внимание. Нашите приходи од провизии и надоместоци постепено растат, што е добро и што го сметам за успех, со оглед дека ќе продолжиме да биде многу внимателни во врска со видовите на производи и услуги кои им ги нудиме на нашите клиенти. Ние целиме да останеме на патот на можен умерен, но стабилен раст и сметам дека е реално повторно да ни пораснат приходите“, додаде Трејхл.
