Денешното рочиште за случајот „Нарачани шамари и демолирање на општина Центар“ повторно беше одложено. Како што објасни
судијката, предметот не стигнал од Апелација до судечкиот суд.
Градоначалникот на општина Центар, Андреј Жерновски, кој во случајот се јавува како оштетен, рече дека ова е уште еден доказ дека судството сѐ уште е под директна контрола на Никола Груевски.
„ Очигледно е дека Груевски продолжува со кукавичката стратегија на одложување на судските рочишта, но за сѐ ќе одговара.
„ Има две лоши, многу лоши вести за Груевски. Првата е дека ова е последното одложување за овој процес, бидејќи случајот е многу јасен.
Груевски е единствениот кој го нарачал вандализмот и тепањето на советниците, градоначалник, вработените, претставниците на медиумите итн.
„Втората многу лоша вест за него е дека од судот на правдата и од судот на народот, на крајот на денот, досега никој не успеал да побегне – рече Жерновски.
Градоначалникот на општина Центар, за кој беа нарачани шамарите, рече како што се одброени деновите на Груевски, така се одбројани и деновите на ваквото судство и затоа, тој и сите околу него ќе одговараат за сите злодела кои ги правеле.
