Бруто домашниот производ на Јапонија денеска ги надмина очекувањата на аналитичарите, и на квартално и на годишно ниво.
БДП-то во вториот квартал се зголеми за 0,8%, во споредба со проценките во анкетата на „Ројтерс“ за раст од 0,5%. Тоа беше и пресврт во однос на ревидираниот пад од 0,6%, забележан меѓу јануари и март.
Порасна за 3,1% на годишно ниво, надминувајќи ги и проценките за раст од 2,1%.
На годишна основа, меѓутоа, БДП на земјата падна втор квартал по ред, 0,8% по падот од 0,9% во првото тромесечје.
По објавувањето на податоците за БДП-то, референтната вредност на Никеи 225 порасна за 0,16%, додека поширокиот Топикс порасна за 0,44%.
Јапонскиот јен незначително зајакна во однос на американскиот долар, тргувајќи се за 147,18.
Говорејќи на Си-Ен-Би-Си, Џун Саито, виш научен соработник во Јапонскиот центар за економски истражувања, го опиша резултатот од БДП-то како „многу позитивен“, нешто што ќе ја охрабри Банката на Јапонија да продолжи да ги зголемува каматните стапки.
Меѓутоа, Саито рече дека јапонската економија годинава ќе расте само „скромно“, поради контракцијата забележана во првиот квартал од годината.
„Со намалувањето на разликите во каматните стапки меѓу Јапонија и САД – каде Јапонија ги зголемува стапките, а САД ги намалува – јенот најверојатно ќе зајакне во однос на доларот, што ќе влијае на вредноста на извозот на земјата“, додаде Саито.
(Фото: Пиксабеј)
