Авион на „Бритиш ервејс“ кој летал за Костарика минатата недела го погодило парче мраз што паднало од друг авион и го скршило стаклото на пилотот.
Се се случило на летот од лондонски Гетвик за Костарика.
Кога мразот го скршил стаклото пред пилотите, Боингот 777 летал на речиси 11.000 метри надморска височина, пишува „Дејли Мејл“, кој наведува дека авионот од кој паднал мразот летал околу 300 метри повисоко.
Шансите мразот да ја пробие пилотската кабина се проценуваат на еден во милион случаи.
Пилотите, и покрај се, успеале да слетаат во Сан Хозе, главниот град на Костарика, но вистински проблеми имале патниците кои морале да летаат назад во Велика Британија од Костарика и во Лондон да слетаат на Бадник.
Поради поправките што требаше да се направат, околу 200 патници мораа да чекаат замена на авион, но бидејќи обидот да се пренасочи авионот од Јамајка не успеа, тие мораа да поминат дополнителна ноќ во хотел на аеродромот.
За Лондон полетаа дури вчера, 50 часа по закажаното поаѓање.
