Извршниот директор на „Ферари“, Бенедето Виња, зборувајќи со новинарите по објавувањето на резултатите од третиот квартал, рече дека нивните книги со порачки се „полни до максимум“.
Виња истакна дека побарувачката е толку голема што италијанскиот бренд новите нарачки нема да може да ги исполни до 2026 година.
2023 година беше одлична година за „Ферари“, со оглед на тоа дека испораките до септември беа 10.418 автомобили, што претставува зголемување од 5,3 отсто во споредба со првите девет месеци од минатата година.
Освен тоа, хибридите во третиот квартал ги надминаа автомобилите со целосно СУС погон за прв пат во историјата на „Ферари“.
Меѓу јули и септември, 51,3 отсто од 3.459 испорачани возила имале електрифициран погон.
Зборувајќи за електрификацијата, Виња потврди дека првиот „Ферари ЕВ“ е планиран за крајот на 2025 година. Интересно е дека директорот рече дека развојниот тим оди пред рокот „за некои процеси“.
Во меѓувреме, новата фабрика создадена специјално за хибридни и целосно електрични модели ќе биде оперативна дома, во Маранело, во јуни 2024 година. До 2030 година „Ферари“ предвидува дека 40 отсто од неговата годишна продажба ќе бидат хибриди, 40 отсто електрични возила, а останатите 20 отсто ќе се возила со СУС погон.
Иако се чини дека автомобилите на бензин се соочуваат со постепено исфрлање, Виња напомена дека СУС има уште многу да понуди, а додавањето на синтетички горива може да го продолжи неговиот животен век.
