Папата Франциск повика на итно згрижување на повредените во Газа и заштита на цивилите, заедно со поголема хуманитарна помош и ослободување на заложниците кои ги држи Хамас.
– Доста, доста браќа, доста, рече папата Франциск во неделното обраќање на плоштадот Свети Петар во Ватикан.
Тој додаде дека оружјето никогаш нема да донесе мир и дека конфликтот не смее да се прошири.
„Близок сум со сите кои страдаат, Палестинци и Израелци“, рече папата и додаде дека се моли за нив.
Израел денеска соопшти дека е подготвен да ги евакуира бебињата од најголемата болница во Газа, но палестинските власти рекоа дека луѓето сè уште се заробени внатре додека во близина се водат интензивни борби.
Многу малку помош влезе во Газа откако Израел му објави војна на Хамас пред повеќе од еден месец, откако милитантите дивееја низ јужен Израел, убивајќи околу 1.200 луѓе и зедоа повеќе од 200 заложници, според израелските власти.
Палестинските власти завчера соопштија дека оттогаш во воздушни и артилериски напади биле убиени 11.078 жители на Газа, од кои околу 40 отсто деца.
Фрањо (86) веќе повика на создавање хуманитарни коридори и рече дека е потребно решение со две држави за да се стави крај на конфликтот меѓу Израел и Хамас.
Фото: МИА
