Интер немаше милост спрема Аталанта на својот стадион. За 35 минути дури пет пати ја затресоа мрежата на немоќниот Бериша, а се што гостите успеава да направате да постигнат почесен гол во демолирањето на „Џузепе Меаца“ – 7:1
Брилијантен вчера беше Мауро Икарди со три погодоци за период од само девет минути, од 17-та до 26-та. Одлично расположен беше и Евер Бенега, кој покрај трите постигнати гола запиша и една асистенција за Гагљардини.
Наполи на „Сан Сиро“ лесно излезе на крај со Кротоне (3:0), а два гола постигнаа од пенали (Инсиња во 32 и Мертенс во 66 мин.).
Никола Калиниќ беше спасител на Фиорентина затоа што во втората минута од судиското продолжение донесе три важни бодови за да останат во трката за пласман во Европа.
Киево беше убедлив против Емполи (4:0), а победа на гостувањата остварија и Удинезе и Болоња против Пескара (3:1), односно Сасуоло (1:0).
Рома ја продолжи трката со Јувентус. На гостувањето на „Ренцо Барбери“ го совладаа Палермо без проблеми – 3:0.
Кога е состојбата на табелата во прашање Јувентус е прв со 70 бодови, Рома е зад него со 62, Наполи е трет со 60, Интер е четврти со 54, додека Фиорентина е осма со 45 бодови, осум помалку од Лацио кој го држи последното место кое води во европските натпреварувања.
Резултати:
Сасуоло-Болоња 0:1
Киево-Емполи 4:0
Фиорентина-Каљари 1:0
Интер-Аталанта 7:1
Наполи-Кротоне 3:0
Пескара-Удинезе 1:3
Палермо-Рома 0:3
