Словенечката одбојкарска репрезентација ќе игра во финалето на Европското првенство, откако синоќа во првото полуфинале ја совлада Полска со 3-1.
Бодрени од околу 12 илјади бучни навивачи во „Стожице“ во Љубљана, Словенија успеа да го победи актуелниот светски првак добивајќи го првиот и четвртиот сет со 25:23, а третиот со 25:22.
Полските одбојкари беа поуспешни во вториот сет со 26:24.
Вториот финалист ќе биде познат вечерва по соочувањето на Србија и Франција.
Овој дуел ќе почне во 21 часот во Париз.
Во француската престолнина ќе се играат и дуелите за медалите.
Најпрво утре (почеток 18 часот) Полска ќе игра со поразениот од вечерашниот меч
за бронзата, додека дуелот за трофејот и златните медали е закажан за в недела (17:30).
