Турција треба да почне со реставрација на куполата на џамијата Аја Софија, што ќе биде еден од најголемите проекти за реставрација на овој објект стар 1.486 години, изјавија денеска експерти.
Аја Софија била најголемата христијанска црква во Византиската империја, сè додека не била освоена од отоманскиот султан Мехмед во 1453 година, по што била една од најпознатите џамии цели 500 години.
„Аја Софија“ служеше како црква до 916 години сè до освојувањето на Истанбул, како џамија од 1453 до 1934 година и потоа како музеј цели 86 години.
Турскиот претседател Реџеп Тајип Ердоган на 10 јули во 2020 година официјално ја претвори Аја Софија во џамија и ја прогласи отворена за муслиманските верници, само неколку часа откако Врховниот управен суд во земјата ја поништи одлуката од 1934 година, со која овој објект од шестиот век беше претворен во музеј.
Фото: Пиксабеј илустрација
