– Град Скопје, во рамките на кампањата Европската недела на мобилност, ќе додели награда електричен тротинет – Xiaomi Mi Electric Scooter, за фотографија со мотив пешачење или возење велосипед, тротинет или автобус, која ќе добие најмногу лајкови на социјалните мрежи. Наградната игра почнува денеска, а ќе трае до 21 септември.
-За промоција на Европската недела на мобилност, иницираме акција на социјалните мрежи „Пешачи со нас”. За да учествувате во акцијата, треба да споделите фотографија или видео како пешачите или пак како се возите со вашето омилено превозно средство (велосипед, тротинет, автобус) на сопствениот профил, и да го означите вашиот пријател со цел да го направи истото, информираат од Град Скопје.
Под фотографијата треба да напишете: #пешачисонас. Вашиот профил мора да биде јавен односно public за да може сите да се види фотографијата.
Акцијата на Град Скопје трае до 21 септември (сабота), а крајното време за собирање на лајкови е 20 часот.
-Наградата ќе биде доделена на финалната церемонија, односно во недела во 11:30 часот под Скопската Тврдина – Кале, информираат од Град Скопје.
