– Водата во Скопје е безбедна за пиење, покажува најновиот неделен извештај на „Водовод и канализација“.
Секторот за санитарна контрола, во периодот од 20 до 24 април 2026, спровел редовен мониторинг и земал 189 примероци за физичко-хемиска и 189 примероци за микробиолошка анализа на вода за пиење од 45 мерни места во Градот Скопје.
Резултатите од испитувањата покажуваат дека сите анализирани примероци се во согласност со Правилникот за барања за безбедност и квалитет на водата за пиење.
