Голем скандал ја тресе Португалија, поточно лидерот во табелата во овој шампионат, екипата на Бенфика, кој е под истрага за местење натпревари.
Португалските медиуми ја пренесоа информацијата дека се хакирани бројни клупски датотеки, вклучително и мејлови од клубската адреса, а се се однесува на периодот од 2016 до 2020 година.
Сите луѓе кои во тоа време биле во клубот, како и луѓе кои после тоа се дел од Бенфика, се наоѓаат под истрага, а меѓу нив е и легендарниот Руи Кошта.
Во истрагата се наведува дека тимот од „Да Лужа“ во тој период имал корист од низа наместени натпревари и договорени резултати.
Се огласија од Бенфика, па во кусо соопштение потврдија дека истрагата е во тек.
„Земајќи ја предвид објавената вест, се потврдува дека од 3 јануари се води истрага против клубот, но и членови на Управниот одбор од 2016 до 2020 година, како и за оние кои моментално се во Управата, стои во соопштението.
Да потсетиме, Бенфика на почетокот на минатата година ги демантираше тврдењата дека на поранешен португалски судија му платила 1,9 милиони евра за „подобри“ одлуки на натпреварите.
Сигурно ова е голем удар за овој португалски гигант. кој во последно време заработи огромна сума на пари од продажбата на своите фудбалери. Амбициите на клубот би можеле да бидат срушени за еден ден, а работата да биде уште полоша, ги чека осминафиналето во Лигата на шампионите.
Овој натпревар засега е под голем знак прашалник, доколку се утврди дека споменатото местење навистина се случило.
