Денеска кандидатот на СДСМ Саша Богдановиќ, одржа Прес-конференција пред новинарите во која вели, дека општина Центар, во изминатите четири години покажала дека може да се работи одговорно, домаќински, отчетно и во интерес на граѓаните, наместо криминално, расипнички и во интерес на Никола Груевски, како што владееше ВМРО-ДПМНЕ на централно ниво.
„Општина Центар е пример за отворена општина, за општина што работи заедно со граѓаните и општина што и покрај постојаните опструкции од централната власт направи многу не само за граѓаните во општината, туку и за унапредување на целокупниот изглед на град Скопје.
„Јас како кандидат на СДСМ и коалицијата заедно со советничката група по локалните избори, ќе продолжиме со чесниот, одговорен и отчетен пристап на работа. Новата локалната власт предводена од СДСМ ќе биде достапна, услужна и отворена.
„Со нови начини на организирање на работата, достапност за граѓаните и навремени реакции, ќе наоѓаме трајни решенија за угледен и урбан Центар, Центар со повеќе зеленило и со чист воздух, повеќе спортски игралишта и велосипедски патеки, повеќе паркови и прифатилишта за животните, како и помош за социјално најзагрозените семејства во општината.
СДСМ, преку Владата и парламентарното што ги предводи докажа дека наместо за лични и партиски интереси, може и мора да се работи за доброто на граѓаните.
По победата на локално ниво, тоа ќе го докажат и градоначалниците и советниците од СДСМ и тука во Центар и во Скопје и во сите општини низ Македонија.
