Јавното претпријатие „Водовод и канализација“ – Скопје денеска ги објави најновите резултати од редовните анализи, со кои се потврдува дека водата во главниот град е целосно безбедна за пиење. Испитувањата на Секторот за санитарна контрола покажале дека квалитетот на водата е во рамките на пропишаните стандарди.
Во периодот од 6 до 11 април биле земени стотици примероци од десетици различни локации низ целиот град за да се утврди хемиската и биолошката исправност.
„Секторот за санитарна контрола зема 189 примероци за физичко-хемиска и 189 примероци за микробиолошка анализа на вода за пиење од 45 мерни места во Градот Скопје. Согласно добиените резултати, сите примероци одговараат на Правилникот за барања за безбедност и квалитет на водата за пиење“, соопштуваат од јавното претпријатие.
