Шпанската Државна метеоролошка служба (АЕМЕТ) во соопштение наведува дека април бил најтопол и со најмалку дождови од 1961 година.
Според АЕМЕТ просечната дневна температура во април изнесувала 14,9 степени Целзиусови, што е за три степени повисока од просечната температура односно просечната максимална температура минатиот месец се зголемила за 4,7 степени Целзиусови.
Врнежите беа една петтина од она што вообичаено би се очекувало во текот на месецот, што го прави најсувиот април во земјата.
Минатата година беше најжешка и најсушна во Шпанија од 1961 година, откако се вршат мерења.
Изминатите три години со малку дождови и високи температури предизвикаа Шпанија да е во долгорочна суша.
Студија на меѓународни научници, објавена минатата недела, покажа дека априлските рекордни температури во Шпанија, во Португалија и во Северна Африка стопати се поверојатни поради климатските промени предизвикани од човекот и би биле речиси невозможни во минатото.
(Извор/Фото: МИА)
