При извршување на својата работа годинава во светот убиени се 57 новинари, во односс на 67 колку што настрадаа лани, се наведува го годишниот биланс на организацијата Репортери без граници.
Сирија стана „пекол“ во 2016 година, и со 19 убиени новинари води по бројот на настрадани припадници на оваа професија, следи Авганистан каде се убиени 10 новинари, Мексико со девет, Ирак седум и Јемен каде што се застрелани пет новинари, наведува невладината организација.
Покрај тоа, оваа година настрадаа и девет блогери и осум соработници на медиуми, што значи вкупно 74 известувачи се убиени „поради извршување на својата мисија на информирање“, стои во извештајот на „Репортерите“.
Намалувањето на бројот на настраданите новинари оваа година во однос на минатата се објаснува со тоа што се повеќе новинари бегаат од земјите кои станаа премногу опасни како што се Сирија, Ирак и Либија, но од друга страна Јемен, Авганистан, Бангладеш и Бурунди станаа делумно „црни точки за информирање каде што владее неказнивост“, се вели во билтенот на оваа организацијата.
Речиси сите новинари загинаа во сопствените држави, освен четворица кои го загубија животот додека биле во некоја странска земја.
Со 19 настрадани новинари во однос на девет во 2015 година Сирија стана земја со најголем број загинати новинари на светот.
Меѓу жртвите е Осама Џума, 19-годишен снимател за британската агенција „Имиџ лајв“, кој беше убиен на 5 јуни додека ја снимал операцијата за спасување после бомбардирање од станбен кварт во Алепо.
Со девет убиени новинари во 2016-та, Мексико останува земја со најмногу жртви од оваа професија во областо што не се опфатени со воени дејствија.
Во последните десет години, според пресметките на „Репортери без граници, се убиени 780 новинари.
