Трансродов(а) педофил(ка) беше поштеден(а) од затвор бидејќи дискусиите за тоа дали треба да биде сместен(а) во машки или женски затвор го одложија заклучувањето на нејзиниот случај.
На поранешната вработена во затворот Тања Ховес (66) судиите ѝ кажале дека во нормални околности, заради сторените дела, веднаш ќе завршела во притвор, но сепак донеле одлука со која и ја поништуваат претходно изречената затворска казна поради „застарување на делото“, пишува Дејли Мејл.
Според судските документи, Ховес се идентификува како жена и се нарекува со женски заменки. Претходно призна три точки од обвинението, вклучително и поседување на 39 фотографии од А категорија (фотографии кои вклучуваат пенетративна сексуална активност).
„Се чини претерано попустливо да се укине казната. Казната нема врска со тоа дека личноста е трансродова, се работи за природата на престапот. Треба уште еднаш да се провери одлуката, многу прашања остануваат неодговорени“, изјави Дејвид Кембел Банерман, поранешен пратеник на конзервативците со седиште во Норфолк.
Поседувањето фотографии од категоријата А обично резултира со затворска казна од шест месеци до три години, но поради упатувањето на случајот до Комитетот за трансродови лица и испратеното барање за продолжување на рокот, целата ситуација се одолговлече. Ваков систем за следење е воведен во 2017 година со цел да се носат одлуки за соодветна грижа за трансродовите лица во затвор.
Претходно оваа година, на транс жените осудени за насилни и сексуални злосторства, а кои сè уште имаат машки гениталии, им беше забрането да ја издржуваат казната во женските затвори.
Дополнителната мерка беше воведена по контроверзите поврзани со Исла Брајсон, која беше осудена за силување на две жени пред да стане маж, Адам Греам.
На почетокот Брајсон требаше да биде сместена во изолација во единствениот женски затвор во Шкотска, но тоа предизвика бурни реакции на јавноста и политичарите, што резултираше со промена на правилата.
Исклучоци се дозволени само во најисклучителните случаи со одобрение на министерот, а оние кои не можат безбедно да бидат сместени во машки затвор можат да ја отслужуваат казната во специјализирани одделенија.
Ховес е осудена на 12 месеци затвор и условно на две години.
„Поради истекот на времето, затоа што не го повторивте делото, и затоа што поротата верува дека можете да се рехабилитирате, решивме да донесеме необична одлука и да ја укинеме казната“, изјави Иан Тејлор, претседателот на судскиот совет.
„Овој случај привлече публицитет што неминовно ќе и го одбележи животот. Ќе мора да живее со срам. Ховес веднаш ја признала вината и соработувала со полицијата“, вели Демиен Мор.
Додаде дека насилничката во тоа време била во лоша животна ситуација, сега е во стабилна љубовна врска и има поддршка од нејзините деца. Ховес мора да помине 30 дена на рехабилитација и 10 години ќе биде ставена во регистарот на сексуални престапници.
(Фото: „Њусгуест“)
