Будењето ноќе е поврзано со психичката и физичката состојба на човекот, а времето во кое тоа се случува открива за какви проблеми станува збор.
Погледнете го часовникот и ќе дознаете што не е во ред со вашето тело и емоции. Традиционалната кинеска медицина многу обрнува внимание на вакви работи.
Најдете го времето во кое најчесто се будите и дознајте што значи тоа:
21:00 до 23:00 часот
Ако имате проблеми со спиењето во тој дел од ноќта, можеби сте под стрес и ве мачат настани кои сте ги преживеале тој ден или она што ви претстои утре.
Тоа го нарушува протокот на енергија. До блокирање на енергијата може да дојде и ако не се храните здраво или јадете предоцна.
23:00 до 1:00 часот
Будењето во ова време покажува дека нешто ве мачи, дека за нешто се јадосувате – заради нешто што сте го кажале, заради нешто што сте направиле или можеби требало да направите, но не сте направиле.
Тоа е време кога јин енергијата се претвора во јанг.
Според древното кинеско верување, јин го симболизира женскиот аспект (негативно, темнина, влага, ноќ и добрите страни на сè), а јанг машкиот (позитивност, ведрина, цврстина, сувост, ден и доминантни аспекти).
Будењето во ова време може да укаже на тоа дека консумирате премногу нездрави масти.
1:00 до 3:00 часот
Ако најчесто се будите во ова време, веројатно сте лути и фрустрирани, односно преполни сте со негативна енергија собрана во текот на денот, па тоа се одразува и на спиењето.
Мора да се опуштите затоа што тоа им штети на процесите што се случуваат во вашето тело.
Овој период од ноќта е многу важен за телото затоа што тогаш најактивно ги исфрлува отровите, односно се детоксицира и се обновува.
Црниот дроб испушта токсини, создава молекули важни за варењето, придонесува за формирање на нова крв итн. Ако нешто не е во ред со него, ќе се будите во ова време.
3:00 до 5:00 часот
Тагата и болката се можни причини за будење во ова време, ако го погледнеме духовниот аспект на животот.
Од физички причини, можно е да ви е ладно додека спиете и процесите во телото не можат да се одвиваат правилно.
Исто така, будењето во овој момент може да укаже на проблеми со белите дробови и недоволно влегување на кислород во телото.
5:00 до 7:00 часот
Во тоа време активно е дебелото црево, а токсините кои во текот на ноќта се профилтрирани и разградени полека го напуштаат телото.
Будењето во ова време може да значи дека сте јаделе предоцна или дека имате навика да јадете лоша и нездрава храна полна со разни штетни состојки.
